Jańa aı týǵanda duǵa oqýdyń sebebi nede?

Assalamý aleıkým! Bala kúnimizde ata-ájelerimiz aı týsa «Jańa aıda jarylqa, eski aıda esirke...» dep duǵa jasaýshy edi. Namaz oqýdy bastaǵan soń, Paıǵambarymyzdyń (s.ǵ.s.) aı týǵanda duǵa oqyǵandyǵyn bildim. Onyń sebebi ne? Azamat  

Ответ

Ýa aleıkým assalam!

Ǵalamdaǵy barlyq jaratylys Alla Taǵalaǵa qulshylyq etetini aqıqat. Quran Kárimde: «Jeti kók jáne jer, sondaı-aq, ondaǵy bolǵandar Allany pákteıdi. Ony páktep, maqtamaıtyn eshbir nárse joq. Biraq sender olardyń tasbıhtaryn (qulshylyqtaryn) túsine almaısyńdar...»[1], - dep baıandalǵan.

Iá, Paıǵambarymyz (s.ǵ.s.) da jansyz qubylystarmen tildesetin. Ol jaıly hadıster de barshylyq. Alla elshisi (s.ǵ.s.) musylmandarǵa jer, aı sııaqty jaratylystar jáne kúnniń kúrkireýi tárizdi qubylystar da adamdarmen qatar, Alla Taǵalaǵa qulshylyq etetinin habarlaǵan. Talha bın Ýbaıdýlla (r.a.): «Paıǵambar (s.ǵ.s.) jańa aı týǵanyn kórgende, «Allohýmmá áhlılhý áláıná bıl ıýmnı ýál ıman ýás sálámátı ýál ıslam, Robbı ýá Robbýká Allah» (maǵynasy: Ýa, Alla! Jańa aıda bizge jeńildik ber. Imanda, amandyq jáne Islamda (berik et). Meniń jáne seniń Rabbyń – Alla» dep duǵa etýshi edi»[2], - deıdi

Alla elshisi (s.ǵ.s.) osy duǵany jylyna on eki ret qaıtalaıtyn. Jańa týǵan aıda bereket surap, dinde berik bolýdy tilep qarsy alatyn.

Sonymen birge, musylmandarǵa aıdyń týý ýaqytyn anyqtaýǵa jáne baqylaýǵa shaqyratyn. Óıtkeni, aıdyń týýyna qatysty jasalatyn qulshylyq túrleri bar. Máselen, aıdyń ortasynda úsh kúndik oraza, Ashýra orazasy jáne t.b. Qala berse, bereket, amandyq, ıman jáne Islamda berik turýdy suraýmen birge súnnetke amal etkenniń saýabyn alady. Bul ǵajap súnnet emes pe?!