Balany eseptep kótersem, kúná bola ma?

07 aqpan 2020 2969 0
Оqý rejımi

Ássálámýǵaleıkým! Suraıyn degenim: Balany eseptetip kóterýge bola ma? Iaǵnı qyz nemese ul bolý úshin aldyn ala kúnmen esepteıtinge uqsaıdy. Bul Allaǵa serik qosý nemese kúná is emes pe? Osy suraq mazalap júr.


Ответ

Ýa aleıkým assalam!

«Sahıh Mýslım» atty hadıster jınaǵynda Muhammed paıǵambarymyz (s.ǵ.s.) mynadaı bir sózi keltiriledi: «...Atalyq uryq – aq tústi, al analyq uryq sary tústi keledi. Eki uryq qosylǵan kezde, atalyq uryq analyq uryqqa ústem kelse, Allanyń qalaýymen ul bolady. Al, analyq uryq atalyq uryqqa ústem kelse, onda Allanyń qalaýymen qyz bolady...».

Atalmysh hadıs beıne bir fızıologııalyq zańdylyqqa ıshara etip turǵandaı. Iaǵnı, Alla Taǵala tabıǵat zańdylyqtaryn jaratyp, kóp dúnıelerdi sol zańdylyqtarǵa baǵynyshty etip qoıǵan bolsa, ana jatyryndaǵy Embrıonnyń da qyz ne ul bolatyndyǵy o bastan keıbir zańdylyqtarǵa táýeldi. Sol zańdylyqtardy anyqtap, soǵan oraı eseptep jatsa, onyń eshqandaı kúnási joq jáne Allaǵa serik qosqandyq emes.

Deı turǵanmen, esepteýdiń nátıjesi árdaıym oıdaǵydaı shyǵa beredi dep aıtý qıyn. Bul da Jaratýshynyń qalaýyna kelip tireledi. Qansha eseptesek te Onyń qalaýy júzege asatyndyǵyn umytpaǵanymyz jón.

Osy oraıda mynany da aıtpaı ketýge bolmas: keı ata-ana ul tilese, keı ata-ana qyz tilep jatady. Munyń eshqandaı kúnási joq. Alaıda, áldekim qyzdy qor kórip, sol sebepti qyz balasynyń týylýyn qalamaı tursa, mundaı túsinik sharıǵatta durys emes. Quranda: «Eger, olardyń bireýi qyzben súıinshilense (áıeliniń qyz tapqanyn estise), ony ashý qysyp, beti qap-qara bola bastaıdy», – deı kele, Alla Taǵala ondaı túsinik ıesin qatań synǵa alǵan.

Abdýsamat Qasym

Tegter: bala jynys er áıel
Pіkіrler Kіrý