Antıseptık qoldanýǵa bola ma?

Sanıtarlyq-Epıdemıologııalyq qyzmeti qaýipti bakterııa, vırýs jáne mıkrobty zararsyzdandyrý úshin antıseptık qoldanýdy talap etedi. Qazir koronavırýs juqtyryp almaý maqsatynda derlik barlyq mekemelerde, saýda ortalyqtarynda, tipti úılerde ony keńinen paıdalanýda. Antıseptıktiń negizgi quramy spırt bolǵandyqtan, bul týraly musylman qaýymy arasynda suraqtar týyndaýda.

Ответ

Ábý Hanıfa men Ábý Iýsýftyń kózqarasy boıynsha júzim jáne qurmadan basqa ónimderden jasalǵan spırtti antıseptık maqsatynda qoldanýǵa ruqsat etiledi. Al qazirgi medıtsınalyq spırtter júzim jáne qurmadan alynbaıtyny belgili.

Antıseptık maqsatynda qoldanylatyn suıyqtyq, medıtsınalyq spırt nájis bolyp eseptelmeıdi. Óıtkeni haram nárseniń bári nájis bola bermeıdi. Mysaly, esirtki men ýdyń úkimi haram, biraq ózi taza. Quramynda spırti bar ıissýlar, spırt aralasqan suıyq zattar denege, kıimge tıse nájis bolmaıdy, tıgen jerin jýý da mindetti emes.

Arnaıy antıseptık zattar nemese medıtsınalyq spırt tabylmasa, zárýlik úkimdi negizge ala otyryp, spırttik ishimdikterdi de antıseptık maqsatynda qoldanýǵa sharıǵat ruqsat etedi. Biraq ol nájis bolǵandyqtan, namaz oqyǵanda spırttik ishimdik tıgen jerdi jýyp tastaý shart.

Hasan AMANQUL,
Sharıǵat jáne pátýa bólimi meńgerýshisiniń orynbasary