Namazdy taqııa kıip oqý shart pa?

Assalamý aleıkým! Er adam namazda taqııa nemes bórik sııaqty bas kıim kıip oqýǵa mindetti me? Ata-babalarymyzdyń taqııa kıip oqýynyń sebebi nede?

Ответ

Ýa aleıkým assalam!

Er kisige namazdy taqııa jáne sol sııaqty bas kıim kıip oqý – mustahap amal. Al, ımamdyqqa shyqqan adamnyń taqııasy bolǵany maquldyraq. Sebebi, paıǵambarymyz (s.ǵ.s.) solaı oqyǵan.

Imam Naýaýı: «Er kisige eń jaqsy kıimin kıip jáne taqııada namaz oqýy – mustahap»,[1] – dep jazǵan.

Al, Hanafı mazhaby boıynsha, jalqaýlyq sebepti bas kıimsiz namaz oqý – mákrúk. Fıqh kitabynda namazdaǵy mákrúk amaldardyń ishinde: «Jalań bas namaz oqý. Jalqaýlyq sebepti, bas kıimsiz oqý»[2], – dep kórsetilgen.

Mine, sol sebepti bizdiń ata-babamyz taqııasy men bórigin tastamaǵan. Deı turǵanmen, taqııa kıip oqý – namazdyń basty sharttarynyń biri emes. Taqııasyz oqylǵan namaz qate bolyp sanalmaıdy. Biraq, taqııamen namaz oqý – jaqsy amal, mustahap. Mustahap – oryndalsa saýap jazylatyn, al oryndalmasa jaza bolmaıtyn amal.

Rýslan Kambarov