Namazdyń lázzatyn ceziný úshin ne isteımin?

07 qyrkúıek 2020 828 0
Оqý rejımi

Assalamý aleıkým! Namaz oqysam nemese basqa da bir qulshylyq jasasam raqat sezinbeıtin boldym. Kerisinshe, qınalyp oqımyn. Sonyń saldarynan namazym durys emes pe, álde qabyl bolmaı jatyr ma dep qorqamyn. Namazdy bastaǵan shaqtarda boıymda bir kúsh-qýat pen raqat sezinetinmin. Suraǵym, qulshylyqtyń raqatyn seziný úshin ne isteýge bolady?


Ответ

Ýa aleıkým assalam!

Namaz jáne basqa da qulshylyqtyń raqatyn sezinip oryndaý úshin myna jaıttarǵa mán bergen jón:

Namazǵa daıyndyq:

1. Barlyq súnneti men mustahaptaryn tolyǵymen eskerip dáret alý. Osman bın Affan (r.a.) rıýaıaty: Men Paıǵambarymyzdyń (s.ǵ.s.): «Kimde-kim kirgen paryz namazyna dáretin jaqsylap alyp, namazdy Alladan qorqyp jáne rúkýǵterin jaqsylap jasap oqysa áýelgi namazdan bergi qate-kúnálaryna káfarat bolady. Biraq úlken kúná istemegen bolýy tıis. Mine, bul ómir boıyna jalǵasa bermek[1]», - degen sózin estidim, - deıdi.

2. Namaz ýaqytyna mán berý. Paıǵambarymyzdan (s.ǵ.s.) eń qaıyrly amal ne? - dep suraǵanda: «Áýelgi ýaqytynda oqylǵan namaz[2]», - degen.

3. Múmkindiginshe, namazdy jaqsy kıimde jáne hosh ıis seýip oqý.

4. Jamaǵatpen oqý.

5. Namazdan keıingi Aıatýl-Kýrsı oqý, tásbi tartý jáne duǵa jasaý sııaqty nápil amaldarǵa erekshe mán bergen jón. Jumys ústinde jáne kóshede salaýat aıtý jáne ıstıǵfar zikirlerin meılinshe kóp aıtýdy daǵdyǵa aınaldyrǵan jón. Salaýat pen ıstıǵfar zikirleri tilektiń qabyl bolýyna eń kóp áser etýshi duǵalar.

Omar bın Hattab (r.a.): «Rasynda, júrektiń talpynyp jáne keri ketip turatyn sátteri bolady. Talpynǵan sátte nápil qulshylyq isteńder, keri ketkende paryz qulshylyq jasańdar», - dep aıtqan.

Adamnyń júregi keıde qulshylyqqa umtylyp, qulshynyp turady. Mundaı sátterde nápil namaz oqyp, Quran Kárim oqyp qulshylyqty kóbeıte túsken jón. Al, álsirep turǵan shaqta paryzdy tyńǵylyqty oryndaýmen shektelgen durys.

Sonymen birge, bos sózden tyıylý, kózdi haramnan saqtaý jáne dastarqandaǵy astyń adaldyǵyna mán berý qulshylyqty meılinshe raqattana jasaýǵa jáne ǵıbadat lázzatyn sezinýge áser etedi.


[1] Mýslım
[2] Daraqutnı, Hakım

Rýslan Kambarov

Pіkіrler Kіrý