Jesir áıel óz qaınysyna turmysqa shyqsa bola ma?

09 qyrkúıek 2020 8621 0
Оqý rejımi

Assalamý aleıkým! Qaıtys bolǵan aǵasynyń áıelin, ıaǵnı jeńgesin qaınysy alýǵa bola ma? E. Qalıev


Ответ

Ýa aleıkým assalam!

Hadıste: «Eger senderge dini men minez-qulqy unaıtyn kisi surap kelse, oǵan (qyzdaryńdy) turmysqa berińder. Áıtpese, jer betinde búlik pen orasan zor buzyqtyq etken bolasyńdar[1]»,-dep aıtylǵandaı, jesir áıeldiń turmys qurmaı júrýi ar-namysyna jáne jalpy qoǵamǵa zııany tıedi. Kúıeýi qaıtys bolǵan áıel ózi qalaǵan er kisimen qaıta shańyraq kóterýine bolady. Degenmen, minezi jaqsy jáne dindar qaınaǵasy nemese qaınysyna turmysqa shyǵýy basqa er kisige jar bolýdan áldeqaıda jaqsyraq. Onyń kóptegen paıdasy bar.

1. Marqumnyń baýyrlary jetim balalardyń aǵasy bolǵandyqtan, olardyń meıirimi men qamqorlyǵy basqa er kisiden qaraǵanda kóbirek;

2. Sharıǵat boıynsha áıel qaıta turmysqa shyqsa, qyzyn qaıtys bolǵan (nemese ajyrasqan) kúıeýiniń týystarynyń qamqorlyǵyna berýi kerek. Al, qaınysyna turmysqa shyqsa, qyz áıeldiń janynda qala beredi;

3. Áıeldiń sol shańyraqta qalýy ata-enesi jáne basqa da týystarynyń qamqorlyǵy men meıiriminde bolýynyń kepili;

4. Balalary da anasynyń basqa kisige turmysqa shyqqanynan góri, óz ákesiniń baýyrlary qaramaǵynda bolǵanyn kóbirek qalaýy múmkin.

 


[1] Tırmızı

Pіkіrler Kіrý