Saqtaný maqsatynda spıral saldyrýyma bola ma?
Sálemetsizder me? Áıel adamǵa densaýlyqty túzep alý úshin saqtaný maqsatynda spıral salýǵa bolady ma? Ómirge eshqandaı qaýip tónip turǵan joq.
Ответ
As salamý ýaleıkým!
Sharıǵatymyzda urpaqsyzdyqqa alyp baratyn júktilikti birjolata boldyrmaý tásilderin qoldanýǵa tyıym salynady. Oǵan Buharı men Múslim rıýaıatyndaǵy Paıǵambarymyzdyń (s.ǵ.s.) eneýge, pishtirýge tyıym salǵany dálel bolady[1].
Endeshe, buǵan júktilikti birjolata boldyrmaýǵa nemese shahýatty túp-tamyrymen qurtýǵa alyp baratyn barlyq tásilderdi salystyra otyryp, haram deımiz. Tipti, kedeılikten qorqyp nemese júktilikke qyzyǵýy bolmasa da osy úkimniń quramyna kiredi. Tek asa qajettilik jaǵdaı týyndasa ári medıtsına mamandary júktilik áıeldiń ómirine qaýip tóndiredi nemese denesiniń bir bóligin qurdymǵa ushyratady, zııan keltiredi dep qorytyndylasa, onda júktilikti boldyrmaý tásiline ruqsat beriledi.
Dúnıejúzilik musylman lıgasyna qarasty Islamı fıqhı akademııasynyń №9 sheshiminde bylaı jazylǵan:
«Birjolata urpaqqa shekteý qoıýǵa bolmaıdy ári kedeılikten qorqyp, júktilikten tyıylýǵa da jol berilmeıdi. Óıtkeni, ryzyq berýshi bir ǵana Alla Taǵala. Jer betindegi qandaı jándik bolsyn onyń rızyǵyn Alla beredi. Sonymen qatar, bul tásil sharıǵatta esepke alynbaıtyn sebeptermen bolsa da ruqsat joq. Al, eger júktilikti toqtatýǵa nemese keshiktirýge qandaı da bir zııan jetýi sebep bolsa, (Mysaly, áıel tabıǵı bosana almaı, balany keserova ádisimen alýǵa baratyndaı dárejede bolsa) onda sharıǵı turǵydan spıral qoıýdyń oqasy joq. Sondaı- aq, qandaı da bir sharıǵı sebeptermen nemese senimdi bilikti dáriger nusqaýymen densaýlyqqa baılanysty júktilikti keshiktirýdi talap etse, ol iske ruqsat etiledi...»
Úkim:
* Júktilikti birjolata boldyrmaıtyn tásildi qoldaný – haram. Alaıda, senimdi ári ádil birneshe dárigerdiń qorytyndysy boıynsha júktilik ananyń ómirine qaýip tóndiretin bolsa, ananyń ómirin saqtaý maqsatynda bul tásildi jasatýǵa ruqsat etiledi.
* Medıtsına mamandary densaýlyqty túzetip alǵansha júktilikti keshiktirýdi nusqasa, ýaqytsha spıral qoıýdyń oqasy joq.
[1] ] Buharı, «Neke» kitaby, «Úılenbeý men pishtirýdiń mákrýhtigi» baby, №5075. Múslim, «Neke» kitaby, «Ýaqytsha neke» baby №1404, 661-b.
fatua.kz
