Qabir basynda qaı súre oqylady?

19 qyrkúıek 2020 670 0
Оqý rejımi

Assalamý aleıkým! Sizge bir suraq qoıaıyn dep edim. Qabir basynda Qurannyń qandaı súrelerin oqýǵa bolady (Fatıha jáne Yqylas súrelerinen basqa). Bahtııar Erseı


Ответ

Ýa aleıkým assalam!

Qabir basynda Quran oqyp, duǵa baǵyshtaý jaıly tórt mázhab ǵalymdary da biraýyzdan maquldaǵan. Maǵqıl bın Iasar (r.a.) Paıǵambarymyzdyń (s.ǵ.s.): «Baqara» súresi – Qurannyń shyńy, onyń árbir aıatyn seksen perishte alyp túsken, al «Aıatýl kýrsı» arshynyń astynan alynyp «Baqara» súresine qosylǵan, «Iasın» súresi – Qurannyń júregi. Kisi bul súreni Allany jáne aqyretti qalap oqysa, onyń kúnási keshiriledi, («Iasındi») aralaryńnan qaıtqan marqumǵa oqyńdar[1]», – degen sózin rıýaıat etedi.

Imam Ahmedten keltirilgen taǵy bir rıýaıatta: «Eger zıratqa kirseńder, «Aıatýl kýrsıdi» úsh ret jáne «Qýl hýa Allohý Ahadty» oqyńdar, sosyn: «Allam, bul súreniń saýaby zırat marqumdaryna»,– dep aıtyńdar»,[2]– delingen.

Abdýrahman bın Ǵala ákesinen baıan etedi, ol kisi óz balalaryna: «Eger meni qabirge alyp barsańdar, lahadqa qoıyp: «Bısmıllah, ǵala sýnnatı rasýlıllah»,– dep topyraq tastańdar. Bas jaǵyma «Baqaranyń» alǵashqy aıattary men sońǵy aıattaryn oqyńdar. Men Ibn Omardyń (r.a.) osy amaldy jaqsy kóretindigin kórdim[3]», – deıdi.

 


[1]Ahmed, Ábý Daýd, Ibn Maja, Ibn Hıbban, Hakım
[2] Isǵaf 24, ál-Mýǵnı 3/518
[3] Tahzıb ál-Kamal 22/537

Pіkіrler Kіrý