Báıge men kókpar attaryna dem salý durys pa?

Assalamý aleıkým! Ońtústik óńirde báıgege qosatyn jáne kókpar shabatyn atqa dem saldyrý úrdisi bar. Mundaǵysy attyń tuıaǵy súrinbesin, jurttyń nazary tımesin degen nıetpen dem saldyrady. Osy qanshalyqty durys?

Ответ

Ýa aleıkým assalam!

Til-kóz nemese kórealmaýshylyqtan saqtaý nıetimen at jáne basqa janýarǵa dem saldyrýdyń eshbir ábestigi joq. Quran Kárimdegi «...Ári aqıqatynda, ol tastardyń keıbiri Alladan qoryqqannan qulaıdy...[1]» degen aıat, Paıǵambar (s.ǵ.s.) súıengen qurma aǵashynyń kúńirenip daýys shyǵarýy – munyń barlyǵy da duǵa áseriniń aıǵaǵy.

Buǵan birqatar negiz bar. Mysalǵa, hadıste: «Eger senderdiń biriń baýyrynan, ózinen nemese mal-dúnıesinen tań qaldyratyn bir tusyn kórse, bereke tilesin. Óıtkeni, kóz tııý – aqıqat[2]», – delingen. Mine, dem salýǵa qatysty adam men basqa nárseni bólip jaryp aıtylmaǵan.

Sahaba Hanzalaǵa (r.a.) betinde isigi bar nemese jeliminde isigi bar maldy alyp keletin. Ol kisi eki qolyna túkirip: «Bısmıllah» dep basyna qolyn qoıyp, «Alla elshisiniń (s.ǵ.s.) alaqany orny» dep sıpasa, isik ketetin deıdi.[3] Paıǵambarymyzdyń (s.ǵ.s.) Hanzalaǵa aıtqany qate ketpeıtin aýzy dýaly jan bolsyn dep bata bergeni belgili.

Qoryta aıtqanda, adamǵa belgili aıat-duǵalarmen dem salýǵa bolatyny sııaqty, tórt túlikke jáne dúnıe-múlikke de dem salýǵa ruqsat ekenin aıtylýda.

Rýslan Kambarov

[1] Baqara súresi, 74-aıat
[2] Ahmed
[3] Ahmed