ИДЕАЛДЫ ІЗДЕУ ЖОЛЫНДА...

      Өмір бойы үйленбеген бір адам, жасы тоқсанға келіп, фәниден бақиға аттанайын деп жатқанында, бір кісі одан:

      -Өмір бойы отбасы құрмадыңыз, неге екенін айтпадыңыз. Енді мына бір аяғыңыз осында, екінші аяғыңыз сонда тұрған уақытта жауабын мүмкін айтарсыз,-деді. Қандай да бір құпияңыз болса – ашыңыз енді оны, мұнда ешкімнің мәңгілік болмайтыны белгілі. Тіпті жұрт сол құпияңызды біліп қойса да, сізге енді ешқандай зияны тие қоймас.

      Ақсақал:

-Иә, бір құпиям бар. Негізі мен отбасы құрудан қашқан емеспін, бірақ идеалды әйел іздеген болатынмын. Сөйтіп өмір бойы ізденіп жүргенімде өмір шіркін өтіп кетіпті ғой.

    -Кешіріңіз, жеті шарым миллиардтан аса халық тұратын, оның жартысы әйелдер, жер шарындай алып әлеуметте, ең болмаса бір идеалды әйел таппадыңыз ба сонда?

      Өлім алдындағы қарияның көзінен жас парлап кетті. Ол кісі:

      -Жоқ, обалы не керек, таптым ғой бір әйелді.

      Сұрап тұрған кісі сасқалақтап қалды.

      -Онда неге сол әйелге үйленбедіңіз?

      Сонда ақсақал:

      -Ол әйел де идеалды еркек іздеп жүр екен...

Махаббат жайлы хикаялар

аударған Жүрсін Кәрім