871 уағыз-насихат, 53 сұхбат жүргізілді (ФОТО)

Биыл ҚМДБ жеті негізгі бағыт бойынша жұмыс жоспарын бекіткен болатын. Соның екінші бағыты – уағыз-насихат жұмыстары.

Қазіргі таңда елімізде эпидемиялогиялық жағдайдың толық тұрақталмауына байланысты кейбір мешіттерде айтылатын жұма уағыздар, бесін және ақшам уағыздары уақытша тоқтап тұр. Дегенмен өңірлердегі ЖАНТ мүшелері мен мешіт имамдары уағыз-насихат жұмыстарын әлеуметтік желілерде жан-жақты жүргізіп келеді.

Сонымен қатар ҚМДБ жанынан құрылған РАНТ мүшелері де әлеуметтік желілерде «Рияду әс-салихин», «Мукашафату әл-қулубу», «Әш-Шәмәилу әл-Мухуаммадия», «Мухтасару әл-қудури», «Сәфуату әт-тафасиру» сынды классикалық кітаптар бойынша уағыз-насихат жұмыстарын жалғастырып келеді.

Атап айтар болсақ, қаңтар айы бойынша әлеуметтік желілерде 871 уағыз-насихат, 53 сұхбат жүргізілді.

​

Дереккөз: ҚМДБ баспасөз қызметі