«ӘБУ НАСЫР ӘЛ-ФАРАБИ» МЕШІТІНДЕ «ҚҰРАНЫМ-МӘҢГІ ҚОРҒАНЫМ» АТТЫ РУХАНИ КЕШ ӨТТІ (ФОТО)

«Әбу Насыр әл-Фараби» мешіті жанындағы «Жібек» қыз-келіншектер клубының ұйымдастыруымен «Құраным – мәңгі қорғаным» атты дәстүрлі  рухани Құран кеші өтті. Шара барысында мешіт ұстазы Айгерім Қадылдың атсалысуымен Құранды мүдірмей оқитын дәрежеге жеткен 70 әйел шәкірт арнайы сертификатпен марапатталды.

Шәкірттердің құрметіне ақ дастархан жайылып, игі жақсылардың басы қосылған жиында үлкендер ақ батасын беріп жатты. Сондай-ақ мешіт тарапынан дайындалған сый-сияпат тарту етілді.

Шараға қонақ ретінде келген «Әзірет Сұлтан» мешітінің ұстазы, «Әжелер мектебі» клубының жетекшісі Күлсара Бекет және республикалық бас мешіттің ұстазы Қарлығаш Қажымәлікқызы Құран оқудың дініміздегі маңызы мен сауабы жайлы мағыналы насихат айтты. Періштелер білім жолына түскен адамға қанатын жаятынын, көктер мен жердегілер ол үшін дұға жасайтынын айта келе, алған білімі ақыретіне азық болуын тіледі.

Дереккөз: ummet.kz сайты