«ӘЛ-ҒАНИ» МЕШІТІНДЕ ЖАМАҒАТТЫҢ ҚАТЫСУЫМЕН СЕНБІЛІК ӨТТІ (ФОТО)

Қазақстан мұсылмандары діни басқармасы Астана қаласы өкілдігіне қарасты «әл-Ғани» мешітінде бас имам Дулат Қабиденұлының ұйымдастыруымен мешіт ауласына сенбілік жұмыстары жүргізілді.

Құлшылық үйінің ауласындағы талдар егілген жерлердің топырағы қопсытылып, ішкі залдары мен ауласы толық тазалаудан өтті. Сондай-ақ, төңірек түгел қоқыстардан тазартылып, темір қоршаулар қайта боялды.