«АҚМЕШІТ» ӘЛЕУМЕТТІК КӨМЕККЕ МҰҚТАЖ ОТБАСЫЛАРҒА АЗЫҚ-ТҮЛІК ҮЛЕСТІРДІ (ФОТО)

Қазақстан мұсылмандары діни басқармасы Астана қаласы өкілдігіне қарасты «Ақмешіт» мешітінде әлеуметтік көмекке мұқтаж 50 отбасыға қайырымдылық шарасы ұйымдастырылды.

Күнделікті тұрмысқа қажетті азық-түлік өнімдері салынған арнайы сөмкелерді үлестіре отырып, мешіттің имам, ұстаздары әлеуметтік көмекке зәру аналарға уағыз-насихаттарын айтып, рухани демеуін де білдіре кетті.

Қазіргі уақытта Қазақстан мұсылмандары діни басқармасының «Рамазан-2024» жоспары негізінде «Рамазан қоржыны» секілді қайырымдылық шаралары Астана қаласы өкілдігіне қарасты барлық мешіттерде өтіп келеді.