«AQMESHIT»: ЖАЗҒЫ САУАТ АШУ КУРСЫН 93 ШӘКІРТ ТӘМАМДАП ШЫҚТЫ (ФОТО)

ҚМДБ Астана қаласы өкілдігіне қарасты «Aqmeshit» мешітінде «Имани жаз-2024» жазғы сауат ашу курсының жабылу салтанаты өтті. Мешіт бас имамы Дәурен Мүсілімов бүлдіршіндерге естелік сертификатын табыстап, алдағы білім жолына сәттілік тіледі.

Айта кетсек, «Aqmeshit» мешітінде «Имани жаз-2024» жазғы сауат ашу курсы бойынша 93 бала тәмамдап шықты. Бүлдіршіндер арабша хат танып, Құран оқуды меңгеріп қана қоймай, әдеп, ғибадат, дәстүр сабақтарын да өтті. Сондай-ақ, ата-ананы құрметтеу, білім игеру, отанды сүю, жамандықтан қашық болып, жақсылық жасауға талпыну секілді түрлі игі қасиеттерді бойларына сіңіре түсу мақсатында тәлім-тәрбие жұмыстары да қарқынды жүргізілді.