АСТАНА ИМАМДАРЫ АҒАШ ОТЫРҒЫЗУ НАУҚАНЫНА ҚАТЫСТЫ (ФОТО)

Бүгін ҚМДБ Астана қаласының өкілі, «Әзірет Сұлтан» мешітінің бас имамы Ерболат Жүсіпов бастаған Астана қаласының имамдары қала әкімдігі және жастар ұйымдарының ұйымдастыруымен өтіп жатқан «Таза Қазақстан» экологиялық акциясына қатысты.

Айта кетсек, мемлекет басшысы елді ауқымды көгалдандырудың, экологиялық ахуалды жақсартудың маңыздылығын айтып келеді. Осы тұрғыдан Республика бойынша бес аптаға созылған «Таза Қазақстан» экологиялық акциясы бастау алған болатын.

Шариғатымыз да тазалық сақтауға, ауланы және қоршаған ортаны ластамай, таза ұстауға шақырады. «Кiмде-кiмнiң қолында бiр ағаштың көшетi (тал шыбығы) болса, қиямет қайым басталып кеткенше қолындағы көшеттi егуге үлгiретiн шама болса, соны дереу отырғызып үлгерсiн» дейдi Пайғамбарымыз (оған Алланың салауаты мен сәлемі болсын).