АСТАНА МЕШІТТЕРІ ҚҰРБАН АЙТҚА САҚАДАЙ САЙ (ФОТО)

ҚМДБ Астана қаласы өкілдігіне қарасты барлық мешіттер алдағы Ұлық мереке – Құрбан айтқа дайындық жұмыстарын пысықтауда.

Құлшылық үйінің іші мен аулалары толықтай тазалаудан өткізіліп, қазақы киіз үйлер тігілді. Айта кетсек, биыл Құрбан айт 16 маусымда басталады. Астана қаласында айт намазы таңғы сағат 06:00-де оқылады. Жамағатпен бірге намаз оқылып, сосын мешіт аулаларында ұлттық спорт түрлерінен сайыстар өткізіледі.

Құрбандығын онлайн түрде шалам деушілер www.qurban2024.kz сайты арқылы құрбандық малын таңдап, Kaspi QR арқылы қажетті қаражатты аудара алады. Қой мен ешкіні жеке адам, ал ірі қара мен түйе малын бір немесе 7 адам бірігіп шалса болады. Тапсырысыңыз сәтті өтсе ұялы телефоныңызға смс хабарлама келеді. Құрбандық шалынған соң оның фото және бейне есебі тапсырыс беруші көрсеткен нөмірге жіберіледі.