АСТАНА МЕШІТТЕРІНДЕ МЕДИАЦИЯ АПТАЛЫҒЫ ӨТТІ

15 наурыз 2026 56 0
Оқу режимі

Қазақстан мұсылмандары діни басқармасының тапсырмасына сәйкес, Астана қаласы өкілдігіне қарасты мешіттерде арнайы медиация апталығы ұйымдастырылды.

Апталық аясында мешіт имамдары жамағат арасында түсіндіру жұмыстарын жүргізіп, азаматтар арасындағы дау-дамай мен келіспеушіліктердің алдын алу, өзара түсіністік пен татулықты нығайту мәселелеріне назар аударды.

Кездесулер барысында туындаған даулы жағдайларды ушықтырмай, өзара келісім арқылы шешудің маңыздылығы түсіндірілді. Сондай-ақ кешірімділік, сабырлылық, әділдік пен мәмілеге келу сынды асыл құндылықтардың қоғамдағы ынтымақты сақтаудағы рөлі айтылды.

Дереккөз: ҚМДБ Астана қаласы өкілдігінің баспасөз қызметі

Пікірлер Кіру