АСТАНА ӨКІЛДІГІНЕ ҚАРАСТЫ МЕШІТТЕРДЕ СУРДОАУДАРМА ҚЫЗМЕТІ ЖҰМЫС ІСТЕП КЕЛЕДІ (ФОТО)

Қазақстан мұсылмандары діни басқармасының төрағасы, бас мүфти Наурызбай қажы Тағанұлының тапсырмасымен елорда мешіттерінде есту қабілеті төмен жандарға арналған сурдоаударма қызметі тұрақты түрде жұмыс істеп келеді.

Айта кетсек, «Әзірет Сұлтан» мешітінде әр жұма уағызы арнайы мамандардың көмегімен аудармаланып, тікелей эфир арқылы есту қабілеті төмен мұсылмандарға ұсынылып келеді.

Республикалық саңыраулар қоғамының вице-президенті Жангелді Рахманұлы «Әзірет Сұлтан» мешітіне келіп, сурдоаударма қызметінің жүзеге асырылып жатқанына дән ризашылығын жеткізген болатын.

Қазіргі уақытта Астана қаласының бас имамы Ерболат Жүсіповтың басшылығымен сурдоаударма қызметін одан әрі жетілдіруге қатысты елордалық имамдар жұмыстануда.

Дереккөз: ҚМДБ Астана қаласы өкілдігінің баспасөз қызметі