АСТАНА ҚАЛАСЫНЫҢ БАС ИМАМЫ «ӘЛЖАН АНА» МЕШІТІНДЕ БЕСІН УАҒЫЗЫН АЙТТЫ (ФОТО)

Қазақстан мұсылмандары діни басқармасы Астана қаласының өкілі, «Әзірет Сұлтан» мешітінің бас имамы Ерболат Жүсіпов қаладағы «Әлжан ана» мешітінде жамағатқа бесін уағызын айтты.

Рамазан айының қадір-қасиеті мен жылына бір-ақ рет келетін осы бір кезеңде жасалатын игі амалдардың сауабы жайында айта келе, жалпы парыз амалдардың мұсылман өміріндегі көл-көсір пайдалары жайында баяндап өтті.

Уағыз-насихат барысында қала бас имамы сауапқа толы отыз күнді ізгі амалдармен, құлшылықпен өткізуге шақырды. Жиналған жұртшылықты берекелі де мерекеге толы аймен құттықтап, ыстық ықыласы мен жылы лебізін білдірді.