АСТАНА ЖАМАҒАТЫНА «MUFTYAT» БАСПАСЫНЫҢ КІТАПТАРЫ ТАНЫСТЫРЫЛДЫ (ФОТО)

«Әзірет Сұлтан» мешітінде жамағатқа «Muftyat» баспасының кітаптары таныстырылды. Шараға ҚМДБ Төрағасының орынбасары, наиб мүфти Кенжетай Байкемелұлы, наиб мүфти, Шариғат және пәтуа бөлімінің меңгерушісі Сансызбай Құрбанұлы, Дін мен дәстүр бөлімінің меңгерушісі Нұрбек Әуесханұлы,  «Muftiyat» баспасының директоры Мұрат Манапұлы Астана қаласының және «Әзірет Сұлтан» мешітінің бас имамы Ерболат Жүсіпов және мешіт жамағаты қатысты.

Жиында дініміз бен дәстүрімізді дәріптейтін ҚМДБ Төрағасы, Бас мүфти Наурызбай қажы Тағанұлының бастамасымен «Muftyat» баспасынан жарық көрген бағалы еңбектердің маңызы мен құндылықтары сөз етілді. Атап айтсақ олар «Бабалар ізімен: Қазақ даласындағы мұсылмандық мектеп» және «Дін мен дәстүр» кітабының жақында ғана жарық көрген III томы.

Мешіт ақсақалдарының қатысуымен бағалы кітаптардың лентасы қиылып, жамағатқа таратылды. Сондай-ақ жиын соңында көпшілікпен дұға-тілектер жасалды.

Айта кетсек, «Muftyat» баспасынан асыл дініміз Ислам мен ғасырлар бойы халқымыздың тұрмыстық ғұрпында қалыптасқан салт-дәстүрлерімізді жан-жақты қамтитын кітаптар көптеп басылып келеді.

Суреттерді «ФОТОГАЛЕРЕЯ» айдарынан көре аласыздар!