ӘЙЕЛ ЖАМАҒАТЫНА ЕҢБЕК ЕТУДІҢ МАҢЫЗДЫЛЫҒЫ ТҮСІНДІРІЛДІ (ФОТО)

«Әзірет Сұлтан» мешітінде әйел жамағатына «Ислам дінінде еңбек етудің маңызы» тақырыбында уағыз-насихат жасалды. 

«Әзірет Сұлтан» мешітінің ұстазы, «Әжелер мектебі» клубының жетекшісі Күлсара Бекет мешіттің әйел жамағатына еңбек етіп, адал табыс табудың маңыздылығын түсіндіре отырып, үгіт-насихат жасады.

Ислам адамзатты алдымен Аллаға иман келтіруге, содан соң сол иманның аясында игілікті амал істеуге шақырады. Адал еңбекпен несібесін айыру - пайғамбарлардың жолы. Еңбек етудің артықшылығын Пайғамбарымыз (Алланың оған сәлемі мен игілігі болсын) көптеген хадистерінде айрықша атап өткен. Тіпті, табан ақы, маңдай термен табыс табуды Алла жолындағы ерлік іске балаған.