«ӘЗІРЕТ СҰЛТАН»: БАЛА ШӘКІРТТЕР «БАЛҚАРАҒАЙДА» КӨҢІЛ КӨТЕРДІ (ФОТО)

Астана қаласы Әйел-қыздар секторы және «Әзірет Сұлтан» мешітінің ұстазы, «Әжелер мектебі» клубының жетекшісі Күлсара Бекетқызының ұйымдастыруымен қаладағы «Балқарағай» демалыс орнында балаларға арнайы көңіл серпітер бағдарлама ұйымдастырылды.

Жаздың шуақты күндерінде мешіт шәкірттері сабын көбіктерін шашып ойнап, мәз-мейрам болып, көтеріңкі көңіл-күй алды.

Айта кетсек, «Әзірет Сұлтан» мешітінің «Имани жаз-2024» жазғы сауат ашу курсында тәлім алып жатқан шәкірттерге Құран, әдеп, дін мен дәстүр дәрістері және түрлі пайдалы сабақтардан бөлек көңіл серпітер бағдарламалар ұйымдастырылып келеді.