«ӘЗІРЕТ СҰЛТАН»: «ИМАНИ ЖАЗ» ШӘКІРТТЕРІ ТАБИҒАТ АЯСЫНДА СЕРУЕНГЕ ШЫҚТЫ (ФОТО)

«Әзірет Сұлтан» мешітінің ұстазы Нұргүл Әлиханқызының жетекшілігімен «Имани жаз-2024» жазғы сауат ашу курсының қызбала шәкірттері табиғат аясында серуенге шығып, көк шалғын үстінде жайылған ақ дастархан айналасына шоғырланды.

Талдың саясында тыныстап, жетекші ұстаздардың ақыл-кеңесі мен көркем уағызын тыңдаған бала шәкірттер өздеріне рухани мол азық алып, көтеріңкі көңіл-күймен үйлеріне қайтты.

Қасиетті Құрбан айттың құрметіне ұйымдастырылған игі шара алдағы уақытта да жалғасын таппақ.