«ӘЗІРЕТ СҰЛТАН» МЕШІТІНДЕ ӘЙЕЛ ШӘКІРТТЕРГЕ ҮГІТ-НАСИХАТ ЖАСАЛДЫ (ФОТО)

«Әзірет Сұлтан» мешітінде биылғы оқу жылында рухани ілім іздену үшін мешіт табалдырығын аттап, әйел жамағатында 600-ден аса шәкірт легі білім алуды бастап кетті.

Мешіттің ұстаздары Эльмира Бұхарбаева мен Күлсара Бекет шәкірттерді жаңа оқу жылымен құттықтап, арнайы жайылған ақ дастархан басында уағыз-насихат айтты. Білім алудың артықшылықтары мен пайдасы туралы айта отырып, пайғамбарымыз Мұхаммедтің (с.ғ.с) туылған айы - Мәуліт мерекесімен құттықтады.