«ӘЗІРЕТ СҰЛТАН» МЕШІТІНДЕ ӘЙЕЛ ЖАМАҒАТЫНА АРНАЛҒАН СЕМИНАР ӨТТІ (ФОТО)

«Әзірет Сұлтан» мешітінде өткізілген кезекті сенбілік семинарда дәрігер- стоматолог Әлия Анбар тіс күтімі туралы  маңызды ақпараттармен бөлісті. Аталған шарада әйел жамағаты көкейкесті сауалдарын жолдап, тұшымды ақпараттарға қанықты. Тіс күтіміне арналған құралдарды таңдаудағы қателіктер мен тіс ауруларының алдын алу жолдары түсіндірілді. Әйел жамағаты тарапынан баланың тіс күтіміне байланысты көптеген сауалдар қойылды.

«Баланы тазалыққа тәрбиелеуде ата-ана басты тұлға. Қазіргі таңда балалардың тіс ауруы өршіп тұр. Ата-аналар осы орайда баланың тіс күтіміне ерекше мән беру керек» , - дейді маман.

Сонымен қатар жиында Астана өкілдігі әйел-қыздар секторының меңгерушісі, ұстаз Эльмира Бұхарбаева денсаулыққа мән беру мен тазалықтың маңызы сынды тақырыптарға тоқталды.