«ӘЗІРЕТ СҰЛТАН» МЕШІТІНДЕ ҚҰРАНҒА ТОЛЫҚТАЙ ТҮСКЕН ЕКІ ШӘКІРТ МАРАПАТТАЛДЫ (ФОТО)

«Әзірет Сұлтан» мешітінде «Әли Имран» қайырымдылық мекемесінде Құран Кәрімді толықтай жаттап шыққан екі бірдей шәкірт марапатталды.

ҚМДБ Астана қаласының өкілі, «Әзірет Сұлтан» мешітінің бас имамы Ерболат Жүсіпов жұмаға жиналған жамағатқа сүйінші хабарды жеткізе отырып, шәкірттерге арнайы алғыс хат пен 200 000 теңге көлемінде сыйақы табыстады.

Айта кетсек, ҚМДБ Құран секторының ұйымдастыруымен «Уақып» қорына қарасты «Әли Имран» қайырымдылық мекемесінде 20 шәкірт Құран жаттауда. Соның алғашқы екеуі Құран Кәрімді толық жаттап шықты. Басқа да шәкірттердің ынта-жігерін арттыру мақсатында аталмыш марапаттау рәсімі өткізіліп отыр.