«Әзірет Сұлтан» мешітінде ұлттық спорт түрлерінен сайыс өтті

«Әзірет Сұлтан» мешітінде Дәстүр және отбасы бағыты аясында ораза айт намазынан кейін ұлттық ойындардан сайыс өтті.

Жамағат арқан тартыс, қол күрес, кір көтеру, асық ату сынды ұлттық ойындарда өз өнерлерін көрсетіп, бақтарын сынады.

Сайыс соңында жеңімпаздар мен жүлдегерлерге арнайы сыйлықтар табысталып, мешіт ұжымы барлық қатысушыларға алғысын білдірді. Ұлттық дәстүрді дәріптеген бұл шара жамағаттың рухани әрі мәдени байланысын нығайтып, мерекелік көңіл-күй сыйлады.

Суреттерді «ФОТОГАЛЕРЕЯ» айдарынан көре аласыздар!

Дереккөз: ҚМДБ Астана қаласы өкілдігінің баспасөз қызметі