«ӘЗІРЕТ СҰЛТАН» МЕШІТІНДЕГІ ЕРЛЕР ЖАМАҒАТЫНА «ӘКЕ МЕКТЕБІ» КІТАБЫ ТАРАТЫЛДЫ (ФОТО)

Астанадағы «Әзірет Сұлтан» мешітінде жамағатқа Қазақстан мұсылмандары діни басқармасының «Muftiyat» баспасынан шыққан «Әке мектебі» атты кітап тегін таратылды.

Бұл кітап – әкелерге отбасы тәрбиесіндегі жауапкершілік пен Исламның әкелік рөлге қоятын жоғары талаптарын түсіндіруге арналған құнды еңбек. Онда әкенің отбасындағы орны, балаларды тәрбиелеудегі үлгі-өнегесі және жанұяның рухани дамуына қосатын үлесі туралы мазмұнды мәліметтер берілген.

Шара барысында мешіт имамдары кітаптың маңыздылығына тоқталып, оның әкелерге пайдалы ақпарат пен бағыт-бағдар беретініне сенім білдірді. Жамағат мүшелері де кітапты жылы қабылдап, осындай пайдалы бастамалары үшін Қазақстан мұсылмандары діни басқармасына алғыстарын білдірді.

Дереккөз: ҚМДБ Астана қаласы өкілдігінің баспасөз қызметі