«ӘЗІРЕТ СҰЛТАН» МЕШІТІНІҢ ШӘКІРТТЕРІ РАМАЗАН АЙЫНДА ҚҰРАНҒА ТҮСТІ (ФОТО)

Қазақстан мұсылмандары діни басқармасының «Рамазан-2024» жоспарына сәйкес мешіттерде Құран дәрісін алушы шәкірттерді Рамазан айының ішінде Құран оқи алатындай деңгейге жеткізу тапсырмасымен «Рамазанда бір айда Құранға түс» жобасы басталған болатын. Осыған орай Астанадағы «Әзірет Сұлтан» мешітінің шәкірттері жақсы нәтижелерге қол жеткізіп келеді.

Қазіргі уақытта «Әзірет Сұлтан» мешітінің наиб имамы Закир Рамазанұлының тәлім беріп жатқан шәкірттерінің алды Құранға түсіп, Алланың сөзін түпнұсқада оқи алатын деңгейге жетіп отыр.

Айта кетсек, Құран Кәрімді үнемі оқып отыру мұсылманның рухына күш, жанына шипа болмақ. Әрі оның сауабы Рамазан айында еселене түспек.