«ӘЗІРЕТ СҰЛТАН»: ШӘКІРТТЕР АРАСЫНДА СПОРТТЫҚ ОЙЫНДАР ӨТКІЗІЛДІ (ФОТО)

«Әзірет Сұлтан» мешітінің жазғы сауат ашу курсында тәлім алып жатқан қыз балалар арасында қызықты спорттық сайыстар өткізілді.

Аталмыш сайыста шәкірттер топтарға бөлініп, алдын ала белгіленген ойын ережесі бойынша бақ сынасты. Балалар арасындағы бірлік-ынтымақты арттырып, көңіл сергіту мақсатында ұйымдастырылған шараның соңында шәкірттер тәтті сусындар мен тағамдардан дәм татты.

Айта кетсек, «Имани жаз-2024» жазғы сауат ашу курсында тәлім алып жатқан шәкірттерге Құран, әдеп дәрістерінен бөлек дін мен дәстүр бағыты аясында және қөлөнер бұйымдарын жасау бойынша түрлі сабақтар өткізіліп, әртүрлі спорттық сайыстар мен көңіл сергітер бағдарламалар ұйымдастырылып келеді.