«IHLAS» ҚЫЗ-КЕЛІНШЕКТЕР КЛУБЫНЫҢ МҮШЕЛЕРІ МӘУЛІТ ДАСТАРХАНЫНДА БАС ҚОСТЫ (ФОТО)

«Ihlas» қыз-келіншектер клубының ұйымдастыруымен қасиетті мәуліт айында шәкірттерге ақ дастархан жайылды.

Көктал мешітінің ұстазы, «Ihlas» қыз-келіншектер клубының жетекшісі Мухлиса Сайдуллақызы әйел жамағатына «Мәуліт айының ерекшелігі» тақырыбында уағыз-насихат айта отырып, екі дүние сардарының қайталанбас, бірегей тұлғалық қасиеттерін, үмметтеріне деген жанашырлығы мен шексіз шапағатын баян етті.

Кеш соңында Құран хатым жасалып, қасиетті аяттардан болған сауапты ең әуелі Пайғамбарымыздың (с.ғ.с) рух шәрифіне және бүкіл дүниеден өткен мұсылмандар рухына бағышталды.