«ИМАНИ ЖАЗ-2024»: «ӘЗІРЕТ СҰЛТАН» ШӘКІРТТЕРІ ҰЛТТЫҚ МУЗЕЙГЕ САЯХАТ ЖАСАДЫ (ФОТО)

«Әзірет Сұлтан» мешітінің «Имани жаз-2024» жазғы сауат ашу курсында білім алып жатқан шәкірттер ұлттық музейге саяхат жасады.

Бүгін осындай игі шаралардың бірі – «Тарихтан тағылым» саяхат сабағы болып өтті. Жыл сайын жазғы сауат ашу курсының қатысушылары арасында дәстүрлі түрде өтіп келе жатқан «Тарихтан тағылым» шарасы аясында бала шәкірттер Ұлттық музейге саяхат жасады. Мешіт имамдары мен ұстаздарының арнайы жетекшілігімен бүлдіршіндер музей ішінде туған тарихымызбен танысып, құнды жәдігерлерді тамашалап қайтты.