IV Республикалық азаншылар жарысы Ақтауда өтеді

ҚМДБ-ның 30 жылдығына орай өтетін «Әдемі әуезді азаншы-IV» республикалық азаншылар жарысына дайындық пысықталды. 

«Маңғыстау өңірі «Әдемі әуезді азаншы-IV» республикалық азаншылар жарысын қабылдауға толық дайын. Бұл жолы аталмыш бәсекеге еліміздің түкпір-түкпірінен 20-ға жуық үміткер келе жатыр», – деді ҚМДБ-ның Маңғыстау облысы бойынша бас имамы Әнуар Ізімбайұлы.

Айта кетейік, «Әдемі әуезді азаншы» сайысы осымен төртінші рет өткелі отыр. ٌКөрермендер бұл сайысты Aqtau TV телеарнасы арқылы тікелей эфирде, сонымен қатар ҚМДБ-ның «Хикмет студиясы», облыстық «Бекет ата» мешітінің YouTube арналары арқылы онлайн режимде тамашалай алады. 

Дереккөз: Маңғыстау облыстық «Бекет ата» мешітінің баспасөз қызметі