КӨКТАЛ МЕШІТІ ЖАЗҒЫ САУАТ АШУ КУРСЫНА БАЛАЛАРДЫ ҚАБЫЛДАДЫ (ФОТО)

ҚМДБ Астана қаласы өкілдігіне қарасты Көктал мешітінде «Имани жаз-2024» жазғы сауат ашу курсына шәкірттер қабылданды.

Құлшылық үйінің бас имамы Сәбит Ережепов балаларға мешітте өтетін жазғы лагердің маңыздылығын айта келе, дәрістерде қолданысқа енген жаңа оқулықтың мазмұнын түсіндірді. Сондай-ақ, балаларға дәріс беретін ұстаздар қауымын да таныстырып өтті.

Жиын соңында балаларға «Мүфтият» баспасынан жарыққа шыққан «Дін мен дәстүр» негізінде құрастырылған «Имандылық әліппесі» оқулығы таратылды.