«КӨКТАЛ» МЕШІТІНДЕ РЕСПУБЛИКА КҮНІНЕ ОРАЙ ҮСТЕЛ ТЕННИСІНЕН САЙЫС ӨТТІ (ФОТО)

Қазақстан мұсылмандары діни басқармасы Астана қаласы өкілдігіне қарасты «Көктал» мешітінде Республика күні мерекесіне орай шәкірттер арасында үстел теннисінен сайыс өтті.

Аталмыш шараны Астана қаласы өкілдігі «Көктал» мешітінің «Жастар ісі» секторы мамандары мемлекеттік мереке қарсаңында арнайы ұйымдастырып отыр. Шараның негізгі мақсаты – мешіт жастары арасындағы ынтымақ пен ауызбіршілікті нығайту. Сайыс соңында «Көктал» мешітінің бас имамы Сәбит Әзімбекұлы мен мешіт қызметкерлері қатысушыларды арнайы сыйлықтармен марапаттады.