КӨКТАЛ МЕШІТІНДЕ ЖАМАҒАТҚА ДАСТАРХАН ЖАЙЫЛДЫ (ФОТО)

ҚМДБ Астана қаласы өкілдігіне қарасты Көктал мешітінде мұсылмандардың ұлық мерекесі – Құрбан айттың құрметіне ақсақалдар мен ақ жаулықты аналарымызға дастархан жайылды.

Дастархан басында мешіт имамдарымен салиқалы сұхбаттар жүріп, көнекөз қариялар өнегелі әңгімелерін өрбітті. Ыстық ас беріліп, жиналған жұртшылық айттық тамағамдарынан дәм татты. Берекелі басқосудың соңында бата жасалып, ақсақалдар ел амандығы мен жұрт тыныштығы үшін дұға-тілектер жасады. Сондай-ақ мешіт имамдарына өз алғыстары мен ризашылықтарын білдірді.