КӨЛІК КЕПТЕЛІСІНДЕ ҚАЛҒАН ЖАНДАРҒА СУ МЕН ҚҰРМА ТАРАТЫЛДЫ (ФОТО)

Қазақстан мұсылмандары діни басқармасы Астана қаласы өкілдігіне қарасты «Ақмешіт» мешітінің ұжымы аялдамаларда және қала көшелерінің кептелісінде тұрып қалған жандарға ауызашар болсын деген ниетпен су мен құрма таратты.

Ақшам намазының уақыты жақындап, ауыз ашатын мезгілге таяп қалғандықтан осы бір игі шара «Шарапатты Рамазан» жобасы аясында жүзеге асып отыр.

Айта кетсек, Қазақстан мұсылмандары діни басқармасының «Рамазан-2024» бағдарламасы аясында Астана қаласы өкілдігіне қарасты мешіттерде түрлі игі шаралар ұйымдастырылып келеді.