МЕШІТ ҰЖЫМЫ БЕЛСЕНДІ ЖАСТАРҒА АЛҒЫСЫН БІЛДІРДІ (ФОТО)

ҚМДБ Астана қаласы өкілдігі «Әзірет Сұлтан» мешітінде Рамазан айы бойы құлшылық үйінде белсенділік танытып, жамағат үшін қызмет жасаған ерікті жастар марапатталды.

«Әзірет Сұлтан» мешітінің наиб имамы Жұманазар Өсерханұлы Алла разылығы үшін аянбай, білек сыбана қызмет еткен белсенді жастарға мешіт атынан алғыс айтты. Сондай-ақ арнайы дайындалған сыйлықтар табысталып, қала бас имамы Ерболат Нұрылдаұлының атынан алғыс хаттар берілді.