Министр:143 шұжық өнімінен шошқа ДНҚ-сы анықталды

Қазақстандық мамандар шұжық өнімдерін зерттеуден өткізді. Кейбіреуінің құрамы тауардың қаптамасында жазылған заттарға сәйкес емес. 143 шұжық сынамасынан шошқа ДНҚ-сы анықталды. Бұл туралы денсаулық сақтау министрі Елжан Біртанов мәлімдеді, деп хабарлайды Tengrinews.kz.

Біртанов Қазақстанда азық-түлік қауіпсіздігі мониторингі ай сайын жүргізілетінін айтты. 2018 жылы 70 мыңнан аса тауар өнімі зерттеуден өткен. Сараптама нәтижесінде 9740 өнім тапсырысқа сәйкес келмейді екен.  «Негізінен тапсырысты дұрыс орындамау деректері макілеу ережесін бұзу бойынша — 69 пайыз, қауіпсіздік көрсеткішіне сәйкес келмейтіндер — 23,5 пайыз, сондай-ақ қаптамада көрсетілген сұраныс пен физика-химиялық көрсеткіштер — 7,2 пайыз. Мысалы, сүт өнімдерінің 99 сынамасынан майлылық көрсеткіші өтірік көрсетілген және 143 шұжық сынамасынан шошқа ДНҚ-сы анықталды» деді министр.

Министрдің айтуынша, мониторинг нәтижесінде сұранысқа сәйкес келмеу көрсеткіші — 66 пайыз — импорттық тауар, ал 34 пайыз — отандық өндірушілердің тауары.  2018 жылы 22 тонна қауіпті өнімнің көзі жойылып, 70 миллион теңгеге жуық айыппұл салынған.

Дереккөз: Tengrinews.kz