МҮГЕДЕКТІГІ БАР МҰҚТАЖ ЖАНДАРҒА АУЫЗАШАР БЕРІЛДІ (ФОТО)

Астана қаласындағы «Ырыскелді қажы» мешітінің ұйымдастыруымен мүгедектігі бар және көмекке мұқтаж жандарға арнайы ауызашар дастарханы жайылды. Рухани кеш Рамазан айының қадір-қасиетін дәріптеп, қамкөңіл жандардың көңіліне қуаныш сыйлау мақсатында ұйымдастырылды.

Ауызашар барысында жиналған жамағатқа арнайы дастархан әзірленіп, мешіт қызметкерлері мен еріктілер оларға қызмет көрсетті. Сонымен қатар, дін қызметкерлері Рамазан айының қадір-қасиеті жайлы насихат айтып, жиналған жандарға жылы лебіздерін білдірді.

Дереккөз: ҚМДБ Астана қаласы өкілдігінің баспасөз қызметі