«QAMQOR-SHARAPAT» ОРТАЛЫҒЫНЫҢ ҚЫЗМЕТІН ЦИФРЛАНДЫРУ БОЙЫНША СЕМИНАР ӨТТІ (ФОТО)

ҚМДБ Астана қаласы өкілдігіне қарасты «Aq meshit» мешітінде «Qamqor-Sharapat» салттық қызмет көрсету орталығының қызметін цифрландыру бойынша семинар өтті.

Жиынға ҚМДБ-ның наиб мүфтиі, Шариғат және Пәтуа бөлімінің меңгерушісі Сансызбай Құрбанұлы, ҚМДБ-ға қарасты «Уақып» қорының директоры Азамат Әбдікәрімұлы, Астана қаласының және «Әзірет Сұлтан» мешітінің бас имамы Ерболат Жүсіпов, «Qamqor- Sharapat» салттық қызмет көрсету орталығының директоры Мейрамбек Қалдыбекұлы және елорда имамдары қатысты.

Семинар барысында салттық қызмет көрсету орталығының шариғат талаптарына сай жұмыс істеуінің маңыздылығы айтылып, цифрландыру арқылы қызмет көрсету үдерістерін жеңілдету, заманауи технологияларды енгізу және халыққа қолжетімділікті арттырудың маңыздылығы сөз болды.

«Qamqor-Sharapat» орталығының директоры Мейрамбек Қалдыбекұлы орталықтың цифрландыру бағытындағы нақты қадамдары туралы айтып, цифрландырылған жүйе арқылы халыққа қызмет көрсету бойынша жасалып жатқан жұмыстарды таныстырды.

Жиын соңында қатысушылар цифрландыру үдерісін жеделдету, тәжірибе алмасу және болашақтағы серіктестік бағыттары бойынша бірқатар шешімдер қабылдап, ортақ мақсаттарды жүзеге асыру үшін ынтымақтастықта жұмыс істеуге уағдаласты.

Дереккөз: ҚМДБ Астана қаласы өкілдігінің баспасөз қызметі