ҚАЖЫЛЫҚ САПАРЫ БОЙЫНША ЖАМАҒАТҚА ТҮСІНДІРУ ЖҰМЫСТАРЫ ЖАЛҒАСЫП КЕЛЕДІ (ФОТО)
ҚМДБ Астана қаласы өкілдігі «Әзірет Сұлтан» мешітінде қажылық жасау тәртібі бойынша жамағатқа түсіндіру жұмыстары жүргізіліп келеді.
Астана қаласы өкілдігіне қарасты «Әл-Ғани» мешітінің наиб имамы Ғазиз Ахмет қажылық парызын өтеуге ниеттенген жамағатқа қасиетті сапарға шығу мен ұлы құлшылықтың жасалу тәртібін түсіндіріп өтті.
Айта кетсек, қажылық – Жаратқанның сүйікті құлдарына деген сыйы. Сондықтан қажылық парызын өтеуге келген әрбір мұсылман Алла Тағаланың қонағы саналады. Қажылық парызы нәсіп болған мұсылман құлшылығының Алла Тағала алдында қабыл болуын қалайды. Сондықтан қажылық ғибадатын орындауды ниет еткен әрбір мұсылман сапарға шықпас бұрын қателікке ұрынбауы үшін оның үкімдерін үйреніп алуы керек.
