«ҚҰРАНМЕН НҰРЛАНҒАН ТҮЛЕК» АТТЫ ҚҰРАНҒА ТҮСКЕН ШӘКІРТТЕРДІ МАРАПАТТАУ КЕШІ ӨТТІ (ФОТО)

«Al-Fattah» мешітінде «Құранмен нұрланған түлек» атты әйел шәкірттерді марапаттау кеші өтті.

Құлшылық ордасының бас имамы Бағдат Абдукаримовтың қолдауы мен «Айбике» қыз-келіншектер клубы жетекшісі Зарина Шамидуллақызының ұйымдастыруы негізінде жүзеге асқан игі шарада 40 шәкіртке арнайы сертификаттар табысталды.

Сондай-ақ осы күнге дейін білім жолында талмай ізденіп, ұстаздардың бағыт-бағдарынан жаңылмаған шәкірттерге ұстаздар құттықтау лебізін білдіріп, білім жолында сәттілік пен күш-қайрат тіледі.

Кеш соңында ақ дастархан жайылып, ізгі тілектер мен ғибратты әңгімелер айтылды. Ақ жаулықты әжелереміз ұстаздар мен шәкірттерге ақ батасын берді.