РАНТ МҮШЕСІ АСТАНА ҚАЛАСЫНДА ҮГІТ-НАСИХАТ ЖҮРГІЗДІ (ФОТО)

Астана қаласына арнайы іс-сапармен келген Алматы қаласы Абай Құнанбайұлы мешітінің бас имамы, РАНТ мүшесі Нұрболат Дүйсебаев өкілдікке қарасты қала мешіттерінің жамағатымен жүздесіп, әртүрлі мекемелерде үгіт-насихат жасады.

Атап айтсақ, Астана қаласы өкілдігінің ұйымдастыруымен өткен діни ағарту жұмыстары барысында РАНТ мүшесі Дін істері басқармасының қызметкерлеріне сондай-ақ «Әл Ғани» мешітінде «Құмар ойындарының зардабы» тақырыбында, «С. Ғылмани » мешітінде «Жас балаларға Құран үйретудің жолдары» тақырыбында, «Ақ мешіт» мешітінде, Астана медресесі шәкірттерімен «Пайғамбар үмбеті болдудың артықшылығы», «Әл-Фараби» мешітінде жұма уағызы, «Әл-Фәттаһ» мешітінде және «Ырыскелді қажы» мешіттерінде жамағатпен кездесіп үгіт-насихат жұмыстарын жасады. 

Сондай-ақ, Астана қаласы Дін істері басқармасының ұйымдастыруымен өткен кездесу жиынына және мешіт жамағатымен өткен әртүрлі рухани кездесулерге қатысты. Жалпы өткен кездесулер барысында 2 000 адам қамтылды.