«С. ҒЫЛМАНИ» МЕШІТІНДЕ ДІН МЕН ДӘСТҮР АЯСЫНДА ВИКТОРИНАЛЫҚ СҰРАҚ-ЖАУАП ӨТТІ (ФОТО)

ҚМДБ Астана қаласы өкілдігіне қарасты «Сәдуақас қажы Ғылмани» мешітінде «Ислам энциклопедиясы» және «Дін мен дәстүр III» кітаптарын таныстыру кешінің соңынан дін мен дәстүр аясында викториналық сұрақ-жауап айдары өтті.

Викториналық сұрақ-жауап жамағаттың белсенділігін арттырып, қатысушылар өз білімдерін сынауға мүмкіндік алды. Белсенді қатысқан жамағатқа арнайы сыйлықтар табысталып, олардың дін мен дәстүрге деген қызығушылығы мен ынтасы ерекше бағаланды.

Кеш соңында ұйымдастырушылар шараның жоғары деңгейде өтуіне үлес қосқан барлық қатысушыларға алғыс айтып, мұндай іс-шаралардың қоғамдағы рухани құндылықтарды нығайтудағы орны ерекше екенін атап өтті.

Дереккөз: ҚМДБ Астана қаласы өкілдігінің баспасөз қызметі