«СӘДУАҚАС ҚАЖЫ ҒЫЛМАНИ» МЕШІТІНДЕ «MUFTIYAT» БАСПАСЫНЫҢ КІТАПТАРЫ ТАНЫСТЫРЫЛДЫ (ФОТО)

ҚМДБ Астана қаласы өкілдігіне қарасты «Сәдуақас қажы Ғылмани» мешітінде жамағатқа «Muftiyat» баспасынан шыққан «Ислам энциклопедиясы» және «Дін мен дәстүр III» кітаптары кеңінен таныстырылды.

Жиынға Астана қаласының және «Әзірет Сұлтан» мешітінің бас имамы Ерболат Жүсіпов, «Сәдуақас қажы Ғылмани» мешітінің бас имамы Руслан Байзақов және өкілдіктің басқа да дін қызметкерлері мен мешіт жамағаты қатысты.

Жиын барысында қала бас имамы Ерболат Нұрылдаұлы жамағатқа кітаптардың мазмұны мен ерекшеліктері туралы жан-жақты ақпарат беріп, олардың қоғамдағы маңызын түсіндірді. «Ислам энциклопедиясы» мұсылмандық құндылықтарды терең түсінуге бағытталған ауқымды ғылыми еңбек болса, «Дін мен дәстүр III» кітабы ұлттық дәстүріміз бен діннің өзара үйлесімін талдап, рухани сабақтастықты нығайтуға үлес қосатын бірегей туынды.

Дереккөз: ҚМДБ Астана қаласы өкілдігінің баспасөз қызметі