«ШЕЙХ КУНТА ҚАЖЫ» МЕШІТІНДЕ ЖАМАҒАТҚА СЕМИНАР ӨТТІ (ФОТО)

Астана қаласы өкілдігіне қарасты «Шейх Кунта қажы» мешітінде жамағатқа «Расскажи об Исламе» тақырыбында орыс тілінде семинар өтті.

Шараға құлшылық үйінің бас имамы Өмірзақ қажы Қазкенұлы, «Әзірет Сұлтан» мешітінің наиб имамы Закир Санху және мешіт жамағаты қатысты.

Жиында бейбітшілік пен ізгілікке негізделген асыл дініміздің құндылықтары мен қағидалары және дін мен дәстүр негіздері түсіндіріліп, қоғам арасында дұрыс ақпарат тарату мәселелері сөз болды. Сондай-ақ Ислам дінінің тарихы, оның негізгі ұстанымдары, қазіргі қоғамдағы рөлі және діни түсініктерді бұрмалаудың алдын алу жолдары талқыланды.

Шара соңында қатысушыларға «Muftiyat» баспасының «Религия и традиции» кітабының I томы таратылды.

Дереккөз: ҚМДБ Астана қаласы өкілдігінің баспасөз қызметі