ТҮЗЕУ МЕКЕМЕСІНДЕГІЛЕРГЕ УАҒЫЗ-НАСИХАТ АЙТЫЛДЫ (ФОТО)

Астана қаласындағы 03 түзеу мекемесінде жергілікті қызметкерлер мен жазасын өтеушілердің қатысуымен «Бүлік жасау - үлкен күнә» тақырыбында басқосу өтті.

Жиында уағыз-насихаттар айтылып, сотталушылардың діни сұрақтарына жауап берілді. ҚМДБ Астана қаласы өкілдігі бойынша діни оңалту бағытына жауапты маман Рахымқазы Қабдысалым мұсылмандардың ауызбіршілігі, адам өмірінің құндылығы, қоғам тыныштығы төңірегінде әңгіме өрбітіп, уағыз-насихат көшін сұрақ-жауаптармен жалғады. Мекемеде жазасын өтеп жатқан жандар өздерін толғандырған сұрақтарын қойып тұщымды жауаптар алды.