«ЫРЫСКЕЛДІ ҚАЖЫ» МЕШІТІНІҢ ШӘКІРТТЕРІ ЖАЗҒЫ САУАТ АШУ КУРСЫН ТӘМАМДАДЫ (ФОТО)

ҚМДБ Астана қаласы өкілдігіне қарасты «Ырыскелді қажы» мешітінде «Имани жаз-2024» жазғы сауат ашу курсының жабылу салтанаты өтті. Мешіттің бас имамы Нұрлан Байжігітұлы бүлдіршіндерге естелік сертификатын табыстап, батасын берді.

Айта кетсек, «Имани жаз-2024» жазғы сауат ашу курсында бүлдіршіндер арабша хат танып, Құран оқуды меңгеріп қана қоймай, әдеп, ғибадат, дәстүр сабақтарын да өтті. Сондай-ақ, ата-ананы құрметтеу, білім игеру, отанды сүю, жамандықтан қашық болып, жақсылық жасауға талпыну секілді түрлі игі қасиеттерді бойларына сіңіре түсу мақсатында тәлім-тәрбие жұмыстары да қарқынды жүргізілді.